ಮಳೆಯಲಿ ಜೊತೆಯಲಿ
ನಡೆವಾಗ ಮಳೆಯಲಿ ಜೊತೆಯಲಿ
ನಾವಿಬ್ಬರು ಒಂದೇ ಕೊಡೆಯಲಿ..
ಬೇರೇನೂ ಬೇಡ ನನಗೆ ಈ ಧರೆಯಲಿ..
ನಡೆಯುತಿರಲಿ ಕನಸಲಿ ಮನಸಲಿ
ನಿನ್ನ ಒಲವಿನ ಸುಂದರ ದಾಳಿ
ಹೋಗುವೆ ನಾ ನಿನ್ನ ನೆನಪಿನ ಅಲೆಯಲ್ಲಿ ತೇಲಿ ..!
ದಿನವೂ ಬೀಳಬೇಕು ನನಗೆ
ಬರೀ ನಿನ್ನದೇ ಕನಸು
ಆ ಸ್ವಪ್ನದಲ್ಲಿಯೂ ನಿನ್ನ
ನಗುವಿನ ನದಿಯನ್ನೇ ಹರಿಸು...
ನಿನ್ನ ಪುಟ್ಟ ಹೃದಯದಿ ಬರಲು
ನನಗೆ ಆಹ್ಹ್ವಾನ ಕಳುಹಿಸು
ಮಾತನಾಡದೆ ಎಲ್ಲಾ ಹೇಳುವ
ನಿನ್ನ ಮೌನ ನನಗೂ ಕಲಿಸು...
ನನ್ನನ್ನು ಪ್ರೀತಿಸುವ ಮುನ್ನ
ನೂರು ಬಾರಿ ನೀ ಯೋಚಿಸು
ಆ ಪ್ರತಿ ಯೋಚನೆಯಲ್ಲೂ
ನನ್ನ ಹೆಸರನ್ನೇ ನೀ ನೆನೆಸು ...
No comments:
Post a Comment