ಬಡತನ !

ಬಡತನ !

ಮನೆ -ಚಿಕ್ಕ ಗುಡಿಸಲು

ಒಂದೇ ಬಾಗಿಲು ; ಗಾಳಿ ಬರಲು

ತಲಾ ಒಂದರಂತೆ ಬಟ್ಟೆ

ಊಟಕ್ಕೆ ಒಂದೇ ಒಂದು ತಟ್ಟೆ

ಕುಡಿಯುವದಕ್ಕೆ ನೀರಿಲ್ಲ

ಸ್ನಾನ .?ಕೇಳೋ ಹಾಗಿಲ್ಲ..

ಗೊಂಬೆಗಳನ್ನು ಮಾರೋದು ಅವರ ವ್ಯಾಪಾರ

ಗಂಡ -ಹೆಂಡತಿ ,ಇಬ್ಬರು ಮಕ್ಕಳು ಅಷ್ಟೇ  ಅವರ ಸಂಸಾರ  ..

ನಿರ್ಜೀವ ಗೊಂಬೆಗಳನ್ನು ಮಾರುವದಿಂದಲೇ

ಆ ನಾಲ್ಕು ಜೀವಗಳ ಊಟಕ್ಕೆ ಅಕ್ಕಿ- ಬೇಳೆ ..

ನೋವನ್ನು ನೋಡುವ ಕಣ್ಣುಗಳಲ್ಲಿಯೂ ಸಹಿತ

ನಡೆಯುತಲಿತ್ತು ಅಲ್ಲಿ ಕನಸುಗಳ ಕುಣಿತ

ಮಕ್ಕಳಿಗೆ ಅಕ್ಷರ ಕಲಿಸುವ ಅಮ್ಮನ ತವಕ

ಬೆವರು ಸುರಿಸಿ ದುಡಿಯೋದೆ ಅಪ್ಪನ ಕಾಯಕ

ರಾತ್ರಿಯಾದರೆ ಬೆಳದಿಂಗಳೇ ಗತಿ

ಇವರಿಗಿಲ್ಲ ವಿದ್ಯುತ್ ಬಿಲ್ ಕಟ್ಟುವ ಫಜೀತಿ .

ನಾಳೆಯ ಕನಸು ಹೊತ್ತು ಮಲಗುವರು

ನೋವಿನಲ್ಲೂ ನಲಿವ ಕಾಣುವರು